يمر الوقت يسرقنا بلا ذكرى ولا طاري
هموم الدنيا تشغلنا وتاخذنا وتودينـــــــا
وفجاءيرجع الماضي ويقطع حبل افكاري
يذكرني سوالفنا وجمعتنا وليالينــــــــــا
احط خدي على اليسرى وامد اليمنى للباري
ياليت الوقت الي بعد يقربــــــــــــنا ويدنينا
انا مدري اذا تدري وانت منت بداري
انا ودي الزمن الي يزعلنا يراضينا
واتخبر عن اخبارك وتتخبر عن اخباري
واسأل ليش روحنا وتسأل ليش ماجينا
ونتلاقى وحبايبنا نقضي الليل سماري
على شط البحر نسهر ونتذكر حكاوينا
ونرسم لوحة الماضي على نجم السما الساري
نبروزها بأمانينا ونختمها بأسامينا
شراع الحب يسري فينا والأمل صاري
وربان البحر ذكرى تصاريف القدر مينا
تركنا همنا لله ومعاد الدمع جاري
ولا عاد الزمان إلي يبكينا يبكينا
